A idea deste recurso web é poñer a disposición de todos/as o riquísimo catálogo de xogos tradicionais galegos para podermos xogar na casa durante estes días de confinamento obrigado. Xurdiu a partir da iniciativa de diferentes profesionais galegas da educación, que decidiron crear unha fonte de recursos educativos, baixo o dominio http://aulasgalegas.org/, para que todos e todas sigamos aprendendo nestes días. A esa fonte de recursos pretende este sitio incorporar tamén os xogos tradicionais.

A proposta parte das persoas e entidades que constitúen o 
OBSERVATORIO DO PATRIMONIO LÚDICO GALEGO, 
​que está integrado actualmente por:

- Antón Cortizas Amado, investigador dos xogos e xoguetes tradicionais
- Antonio Ferrer Moreira, educador do CEP Campolongo de Pontevedra
- Apolinar Graña Varela, investigador da Universidade de Navarra
- Carmela Sánchez Aríns, investigadora e técnica do patrimonio
- Ismael Álvarez López, investigador da Universidade de Burgos
- Manuela Vázquez Coto, investigadora da Universidade da Coruña
- Asociación Galega do Xogo Popular e Tradicional (AGXPT)
- Asociación de Xogadores/as da Chave da Santiago
- Brinquedia, Rede Galega do Xogo Tradicional
- Museo Etnolúdico de Galicia (MELGA), de Ponteceso
- Odaiko Krea, S.L.
- O recuncho das argalladas, museo de Vilanova de Lourenzá
- Somos Enredos, S.L.
- Xogos Populares e Tradicionais (Santalla - A Pontenova)
- Xogos Tradicionais Muimenta (XOTRAMU)